ކޮލަމްބޯ (12 އެޕްރީލް) - ސްރީލަންކާއިން ނަގާފައިވާ ބޭރުގެ ދަރަނިތައް ދެއްކޭނެ ގޮތެއް ނެތިގެން، ދަރަނި ދެއްކުން ހުއްޓާލައިފި އެވެ.
ސްރީލަންކާގެ މަރުކަޒީ ބޭންކުން އަންގާރަ ދުވަހު ބުނީ، ތެލުގެ ބާވަތްތައް ފަދަ ޒަރޫރީ ތަކެތި އެތެރެކުރުމަށް، އެ ގައުމުގެ ދަށްވަމުންދާ ފޮރިން އެކްސްޗޭންޖް ރިޒާވްގެ ބޭނުން ހިފުމުގެ ސަބަބުން، ބޭރުގެ ދަރަނި އަނބުރާ ދެއްކުމަކީ "ގޮންޖެހުން ބޮޑު އަދި ނުވާނެކަމެއް" ކަމަކަށް ވެފައިވާ ކަމަށެވެ.
ޓެކްސް ކަނޑާލުމާއި ކޮވިޑް-19 ގެ ބަލިމަޑުކަމުގެ ސަބަބުން، ޓޫރިޒަމަށް ބަރޯސާވެފައިވާ އިގްތިސޯދަށް ވަރަށް ބޮޑު ހީނަރުކަމެއް ކުރިމަތިވެ، ސަރުކާރުގެ ދަރަނި އިންތިހާއަށް ބޮޑުވެ، އެ ގައުމުގެ ރިޒާވް ވަނީ މިދިޔަ ދެ އަހަރުގެ ތެރޭގައި ދެބައިކުޅަ އެއްބަޔަށް ވުރެ ދަށަށް ގޮސްފަ އެވެ.
އެ ގައުމުގައި ތެލާއި ކަރަންޓާއި ކާބޯތަކެއްޗާއި ބޭސް ފަދަ ތަކެތީގެ ދަތިކަމާ ހެދި މަގުމަތީގައި މުޒާހަރާ ކުރަމުންދާތާ މަހަކަށް ވުރެ ގިނަ ދުވަސް ވެއްޖެ އެވެ.
"ކޮންމެހެން ބޭނުންވާ އިމްޕޯޓްތަކަށް ފޯކަސް ކުރަން ޖެހޭ. އަދި ބޭރުގެ ދަރަނި ދެއްކުމާމެދު ކަންބޮޑުވާކަށް ނުޖެހޭ،" ލަންކާގެ ސެންޓްރަލް ބޭންކުގެ އާ ގަވަރުނަރު ޕީ ނަންދަލާލް ވީރަސިންހަ ނޫސްވެރިންނާ ވާހަކަ ދައްކަވަމުން މިއަދު ވިދާޅުވި އެވެ. "ދަރަނި ދެއްކުމަކީ ގޮންޖެހުން ބޮޑު އަދި ނާދިރު ކަމެއް ކަން މިވަނީ ފާހަގަވެފައި."
ވެރަސިންހަ ވިދާޅުވީ، ދަރަނި ދެއްކުން މެދުކަނޑާލަނީ ކްރެޑިޓަރުންނާއެކު އެއްބަސްވުމަކަށް އާދެވެންދެން އަދި އިންޓަނޭޝަނަލް މަނިޓަރީ ފަންޑް (އައިއެމްއެފް) އާއެކު ލޯނު ޕްރޮގްރާމް ހަމަޖެހެން ދެން ކަމަށެވެ. އަދި ލަންކާއިން އިމަޖެންސީ ލޯނު ހޯދުމަށް ދުނިޔޭގެ ލޯނު ދޭ ފަރާތްތަކާއެކު ހޯމަ ދުވަހު ރަސްމީކޮށް މަޝްވަރާތައް ފަށާފައިވާ ކަމަށް ވެސް އޭނާ ވިދާޅުވި އެވެ.
ބޭރުގެ ދަރަނި ދައްކަން ޖެހޭ މިންވަރު ހަތަރު ބިލިއަން ޑޮލަރަށް އަރަ އެވެ. އަދި ޖުލައި މަހު ދައްކަން ޖެހޭ އެއް ބިލިއަން ޑޮލަރުގެ އިންޓަނޭޝަނަލް ސޮވަރިން ބޮންޑްގެ ދެ ކޫޕަނަކަށް މާދަމާ ފައިސާ ދައްކަން ޖެހެ އެވެ.
"އެއީ ޑިފޯލްޓެއް. މިއީ ލާޒިމު ކަމެއް،" ބްރޯކަރު ޖޭބީ ސެކިއުރިޓީޒްގެ ޗީފް އެގްޒެކެޓިވް މުރްތަޒާ ޖަފަރްޖީ ވިދާޅުވި އެވެ.
"މިއީ އިގްތިސޯދަށް އޮތް ކުރިއެރުމެއް ކަމަށް ދެކެނީ. ސަބަބަކީ އަޅުގަނޑުމެންނަށް ދަރަނި އަދާކުރުމުގެ ގާބިލްކަން ނެތް ހިނދެއްގައި އަޅުގަނޑުމެންގެ ދަރަނި އަދާކުރުމުގެ ގާބިލްކަން ބޭރު ފައިސާ ދެއްކޭނެ ގޮތެއް ނެތް. އޭގެ ސަބަބުން އަޅުގަނޑުމެންގެ އަމިއްލަ ރައްޔިތުންނަށް އެ ފައިސާ ދޫކުރެވޭނެ،" އޭނާ ވިދާޅުވި އެވެ.
ސްރީލަންކާގެ މި ނިންމުމުގެ ސަބަބުން، އެ ގައުމުގެ ދަރަނީގެ ގޮތުގައި ގާތްގަނޑަކަށް 25 ބިލިއަން ޑޮލަރު، ބައިނަލްއަގުވާމީ ސޮވެރިން ބޮންޑްގެ ގޮތުގައި ގާތްގަނޑަކަށް 12 ބިލިއަން ޑޮލަރު ހިމެނެ އެވެ.
ގަވަރުނަރު ވެރަސިންހަ ވިދާޅުވީ، ދަރަނި އަނބުރާ ދެއްކުމަށް ގޮވާލާ ގޮވާލުން ހެޔޮ ނިޔަތެއްގައި ބަލައިގަންނަ ކަމަށާއި، 22 މިލިއަން މީހުންގެ ގައުމެއްގެ ދަރަނި އަދާކުރުމުގައި އެއްވެސް އިރެއްގައި ޑިފޯލްޓް ވެފައި ނުވާ ކަމަށެވެ. -- ރޮއިޓާސް
