އަންނަ އަހަރަށް ލަފާކޮށް މަޖިލީހަށް ހުށައަޅާނީ 41 ބިލިއަން ރުފިޔާއަށް ވުރެ ބޮޑު ބަޖެޓެއް ކަމަށް ފިނޭންސް މިނިސްޓަރު އިބްރާހިމް އަމީރު ވިދާޅުވެއްޖެ އެވެ.
އަމީރު މިހެން ވިދާޅުވީ ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގަ އެވެ.
އޭނާ ވިދާޅުވީ އަންނަ އަހަރަށް ބަޖެޓުގެ މަސައްކަތް މިހާރު ވެސް ކުރިއަށް ދާތީ އަދި ސީދާ އަދަދު އަދި ކަށަވަރު ކުރަން ނޭނގޭ ކަމަށެވެ.
"2023 ވަނަ އަހަރު 41.5 ބިލިއަން ރުފިޔޭގެ ބަޖެޓެއް ކަމަށް އަޅުގަނޑުމެންނަށް އަންދާޒާ ކުރެވެނީ ފިސްކަލް ސްޓެރެޓެޖީ ނަމްބަރުތައް ވެސް އޭގައި އަޅުގަނޑުމެން ހިމަނާފައިވާނެ،" އޭނާ ވިދާޅުވި އެވެ.
އަންނަ އަހަރަކީ ރިޔާސީ އިންތިޚާބު އޮންނަ އަހަރަށް ވުމާއިއެކު ސަރުކާރުން ހިންގާ ގިނަ މަޝްރޫޢުތައް އަންނަ އަހަރުގެ ބެޖެޓްގެ ތެރޭގައި ހިމަނައި ނިންމުމަކީ ސަރުކާރުން ވަރަށް ބޮޑަށް މަސައްކަތް ކުރެއެވެ.
ބަޖެޓްގެ މަސައްކަތް ކުރަމުންދާއިރު، މަޖިލީހަށް ބަޖެޓް ހުށަހެޅުމަށްފަހު ބަޖެޓް ކޮމެޓީގައި މެމްބަރުން ބަޖެޓުގައި ހިމަނަން ބޭނުންވާ މަޝްރޫޢުތައް ހިމަނައި، ގެންނަން ޖެހޭ ބަދަލުތަކާއި ބަޖެޓް ފާސްކުރާނީ މިފެށޭ ނޮވެމްބަރު މަހުގެ ތެރޭގަ އެވެ.
މިއަހަރަށް ފާސްކޮށްފައިވާ ބަޖެޓަކީ 37 ބިލިޔަން ރުފިޔާގެ ދަރަނި ބަޖެޓެކެވެ.
މިޤައުމަށް ލިބޭހާ އާމްދަނީ ވަންނަނީ 3 މީހެއްގެ ޖީބަށް އަމްދަނީ ލިބޭނެ ގޭޓް ތަކުގައި އަތް އަޅައިގެން ތިބީވެސް އެމީހުން ! ޖީއެސްޓީ ބޮޑުކޮށްގެން ބަޖެޓް ބޮޑު ކޮށްގެން ލިބޭ އާމްދަނީވެސް އެބަޔަކަށް ! ރައްޔިތުން ގުންބޯ ހެއްދުން !