Advertisement

އެމިރޭޓްސް އިން ޖުލައި 16 ގައި އަލުން ރާއްޖެ އަށް ދަތުރުތައް ފަށަނީ

FacebookTwitterWhatsAppTelegramViber

އަންނަ މަހުގެ 16 ވަނަ ދުވަހު އެމިރޭޓްސް އިން ރާއްޖެ އަށް އަނެއްކާ ވެސް ޝެޑިއުލް ދަތުރުތައް ފަށަން ނިންމައިފި އެވެ.

އެމިރޭޓްސް އިން ބުނީ، ރާއްޖެ އަށް ހަފްތާއަކު ފަސް ދުވަހު ފްލައިޓެއް ބާއްވާނެ ކަމަށެވެ. އެގޮތުން، ދުބާއީ-މާލެ ރޫޓްގައި އުދުހޭނީ ކޮންމެ އާދިއްތަ އަދި ހޯމަ ދުވަހެއްގެ އިތުރުން، ބުރާސްފަތި، ހުކުރު އަދި ހޮނިހިރު ދުވަހު އެވެ.

އެމިރޭޓްސް އިން ބުނީ، ރާއްޖޭގެ ފްލައިޓްތަކަށް އެ އެއާލައިންގެ ވެބްސައިޓުންނާއި ޓްރެވަލް އެޖެންޓުން މެދުވެރިކޮށް މިހާރު ބުކިން ހެއްދޭނެ ކަމަށެވެ.

ކޮވިޑް-19 އާ ގުޅިގެން މިދިޔަ މާޗު މަހު ހުރިހާ ދަތުރުތަކެއް މެދުކަނޑާލުމަށް ފަހު މިހާރު އަލުން ފަށާފައިވާއިރު، އެމިރޭޓްސް އިން އުދުހޭ މަންޒިލްތަކުގެ އަދަދު ވަނީ 54 އަށް އަރާފަ އެވެ.

ރާއްޖޭގެ ބޯޑަރު ޖުލައި 15 ގައި އަލުން ހުޅުވާއިރު، 11 އެއާލައިނަކުން ސްލޮޓް ނަގާފައިވާ ކަމަށް ޓޫރިޒަމް މިނިސްޓަރު އަލީ ވަހީދު މިދިޔަ ހަފްތާގައި ވިދާޅުވެފައިވެ އެވެ. އަދި ކޮވިޑް-19 އާ ގުޅިގެން ރާއްޖޭގެ ބޯޑަރު ބަންދުކުރުމުގެ ކުރިން ރާއްޖެ އަށް ދަތުރުކުރި ހުރިހާ އެއާލައިނަކުން ވެސް ކުރިއަށް އޮތް މަސްތަކުގެ ތެރޭގައި ރާއްޖެ އަށް އަލުން އުދުހެން ފަށާނެ ކަމަށް ވެސް އޭނާ ވިދާޅުވެފައިވެ އެވެ.

ހިޔާލު

avatar
600

ލިޔުމާ ގުޅޭ

scroll to top