އިންޑިއާގެ ވިސްތާރާ އެއާލައިންގެ ދަތުރުތައް އިއްޔެ ރާއްޖެއަށް ފަށައިފި އެވެ.
ވިސްތާރާ އެއާލައިނުން ރާއްޖެއަށް ކުރި ފުރަތަމަ ދަތުރުގައި ޖެއްސި ބޯޓަށް ވެލާނާ އިންޓާނޭޝަނަލް އެއާޕޯޓުން ވަނީ ހޫނު މަރުޙަބާއެއް ކިޔާފަ އެވެ.
އެ އެއާލައިނުން ރާއްޖެއަށް ދަތުރުތައް ކުރަނީ މުމްބާއީން ވެލާނާ އިންޓަނޭޝަނަލް އެއާޕޯޓަށެވެ.
އެއާލައިނުން ރާއްޖެއަށް ހަފްތާއަކު ތިން ދަތުރު ކުރަން ނިންމާފައިވެ އެވެ. އެ ދަތުރުތައް ކުރާނީ ބުދަ، ހޮނިހިރު އަދި އާދިއްތަ ދުވަހު އެވެ.
މި ދަތުރުތަކުގެ އަގު އުޅެނީ ދެކޮޅު ޓިކެޓް 227 ޑޮލަރަށެވެ. ޓިކެޓް ބުކްކުރުމުގެ ފުރުސަތު އެ އެއާލައިންގެ ވެބްސައިޓުންނާއި އޮންލައިން ޓެރެވެލް އެޖެންސީތައް މެދުވެރިކޮށް މިހާރު ވަނީ ހުޅުވާލާފަ އެވެ.
އިންޑިއާގެ ވިސްތާރާ އެއާލައިންއިން ރާއްޖެއަށް ދަތުރުތައް ފެށީ އިންޑިއާއާއި ރާއްޖެއާ ދެމެދު ޤާއިމްކޮށްފައިވާ އެއަރ ޓްރެވެލް ބަބުލްގެ ދަށުންނެވެ. މި ބަބުލްގެ ދަށުން ގިނަ އަދަދެއްގެ އިންޑިއާގެ އެއަރލައިންތަކަކުން މިހާރުވެސް އަންނަނީ ރާއްޖެއަށް ދަތުރުތައް ބާއްވަމުންނެވެ. އޭގެތެރޭގައި އެއަރ އިންޑިއާ، އިންޑިގޯ، ގޯ އެއަރ އަދި ސްޕައިސްޖެޓް ފަދަ އެއަރލައިންތައް ހިމެނެއެވެ.
މިއަހަރުގެ މިހާތަނަށް ރާއްޖެއަށް އެންމެ ގިނަ އަދަދަކަށް ޓޫރިސްޓުން އައީ އިންޑިއާއިން އެވެ. އެގޮތުން އަހަރުގެ މިހާތަނަށް އިންޑިއާއިން ރާއްޖެއަށް 45،636 ޓޫރިސްޓުން އައިސްފައިވެ އެވެ.
އިންޑިއާ އިން މިހާރު ރާއްޖެއަށް އިންޑިގޯ، ގޯ އެއާ އަދި އިންޑިއަން އެއާލައިންސްގެ ދަތުރުތައް ކުރެ އެވެ.
މުމްބާއި އާއި ރާއްޖެއާއި ގުޅުމަކީ ރަންގަޅު ކަމެއް. އެކަމަކު މައްސަލައަކީ އިންޑިޔާ ގެ އިންޓރނޭޝަނަލް ޓްރެވެލް ޑިޕާރޗަރ ގެ އަދަދު ތައް ދަށްކަން. 2019 ވަނަ އަހަރު މުޅި އިންޑިޔާއިން ޖުމްލަ އިންޓރނޭޝަނަލް ޓްރެވެލް ޑިޕާރޗަރ ގެ އަދަދަކީ 28 މިލިއަން. މީ މުޅި ދުނިޔެއަށް ބަލާއިރު 11 ވަނަ. މުޅި ދުނިޔެއިން 1 ވަނަ މަގާމް ގައިވަނީ ޗައިނާ. 169 މިލިއަން އިންޓރނޭޝަނަލް ޓްރެވެލް ޑިޕާރޗަރ. ވީމާ ޖިއޯ ޕޮލިޓިކްސް އަށް ވަދެގެން ރާއްޖޭގެ މި ކުޑަކުޑ އިގްތިސޯދު ވަކި ބަޔަކަށް ބަރޯސާ ވާން މިިސްރާބުމި ހިފަނީ ކީއްވެބާ؟
އިންޑިޔާ އަށް އެކަނި ބަރޯސާ ވާ ތަން މި ފެންނަނީ. މިކަމުގެ ނުރައްކާ ވަރަށް ބޮޑު. އިޔޮރަޕް ގެ ހާލަތު ރަންގަޅު ނުވާއިރު ޗައިނާ އާ ނުލާ އިންޑިޔާ އަށް ބަރޯސާ ވެގެން ރާއްޖެއަށް ކުރިއެރުންލިބޭނެ ކަމަށް ދެކުމަކީ މުޅިން ރަންގަޅު ކަމެއްނޫން. ޗައިނީޒް މާރކެޓް ނުލާ ފަތުރުވެރިކަން ހަމަމަގަށް ނޭޅުވޭނެ. މިހާރު ދުނިޔޭގައި އިގްތިސޯދު ގައި ކުރިއެރުމެއް ލިބިފައިވާ ގައުމަކީ ހަމައެކަނީ ޗައިނާ (2.4 ޕަސެންޓް ގްރޯވްތް). 2021 ވަނަ އަހަރު ޗައިނާ ގެ އިގްތިސޯދު 7 ޕަސެންޓް ގެ ކުރިއެރުމެއް ހޯދާނެ ކަމަށް ލަފާ ކުރާ.