ރާއްޖެއަކީ ވިޔަފާރިއަށް ހުޅުވާލެވިފައިވާ އަދި އިންވެސްޓަރުންނަށް މަރުޙަބާ ކިޔަން ތައްޔާރަށް އޮތް ގައުމެއް ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
މޯލްޑިވްސް އިންވެސްޓްމަންޓް ފޯރަމް މިއަދު ބާއްވާފައިވަނީ ދުބާއީ އެގްޒިބިޝަން ސެންޓަރުގައި މިއަދު ބޭއްވި މޯލްޑިވްސް އިންވެސްޓްމަންޓް ފޯރަމްގައި ވާހަކަދައްކަވަމުން ރައީސް އިބްރާހީމް މުހައްމަދު ސޯލިހު ވާހަކަދައްކަވަމުން ވިދާޅުވީ ސަރުކާރުން އެންމެ ބޮޑު އިސްކަމެއް ދެނީ، ރާއްޖޭގެ އިގްތިސާދު ކުރިއެރުވުމަށް، ސެކްޓޯރަލް ޑައިވަސިފިކޭޝަނާއި، ތިމާވެށި ދެމެހެއްޓުމާއި، ރާއްޖޭގެ މުޖުތަމައުތަކުގެ ފުދުންތެރިކަން އިތުރުކުރުމަށް ކަމަށެވެ. އަދި މި ލަނޑުދަނޑިތަކަކީ އެކްސްޕޯ 2020 ގައި ހުށައަޅާފައިވާ ތީމްތަކާ އެއްގޮތް ލަނޑުދަނޑިތަކެއްކަން އެ މަނިކުފާނު ފާހަގަކުރެއްވި އެވެ.
ރައީސް ސޯލިހާއި އެމަނިކުފާނުގެ އަނބިކަނބަލުން ފަޒްނާ އަހުމަދު ޔޫއޭއީއަށް ކުރައްވާ މި ދަތުރުފުޅަކީ ދުބާއީގައި ކުރިއަށްދާ އެކްސްޕޯ 2020 ގައި ބައިވެރިވެވަޑައިގަތުމަށް ކުރައްވާ ދަތުރުފުޅެކެވެ. މި ދަތުރުގައި އެ ބޭފުޅުންނާއެކު ރާއްޖޭގެ މަތީ ފެންވަރުގެ ވަފުދެއް ވެސް ބައިވެރިވެ ވަޑައިގަންނަވަ އެވެ.
ރައީސުލްޖުމްހޫރިއްޔާގެ ވާހަކަފުޅުގައި، ޕްރައިވެޓް ސެކްޓަ ތަރައްގީކުރުމަކީ، ދިވެހި ސަރުކާރުގެ އިގްތިސާދީ އިސްލާހީ އެޖެންޑާގެ މައި އެއް އަސާސްކަން ފާހަގަކުރެއްވި އެވެ.
ރައީސުލްޖުމްހޫރިއްޔާގެ ވާހަކަފުޅުގައި، އިންވެސްޓަރުންނަށް މިހާރަށްވުރެ ބޮޑަށް ޒިންމާދާރު، ދެފުށް ފެންނަ އިރުއިރުކޮޅާ ބަދަލުނުވާ އަދި ސަލާމަތްތެރިކަން ކަށަވަރުކޮށްދިނުމުގެ ގޮތުން، ވިޔަފާރިތައް ކުރިއެރުވުމަށްޓަކައި، ހަރުދަނާ އުސޫލުތަކެއް ގެނެއުމަށްޓަކައި، ކޮންމެހެން ބޭނުންނުވާ، އުނދަގޫ އުސޫލްތައް އުވާލުން ހިމެނޭ ކަމަށް ވިދާޅުވި އެވެ. އަދި، ސަރުކާރުގެ އަމާޒަކީ، އާ އީޖާދުތައް ތައާރުފުކޮށް، ޑިޖިޓަލް ބުރޫތައް އެރުމާއި، ރައްޔިތުންގެ މެދުގައި އޮންނަ އިތުބާރު އިތުރުކޮށް، ހަރުދަނާ، ހަރުދަނާ އާންމު ޚިދްމަތްތަކެއް ފޯރުކޮށްދިނުން ކަމަށް ވެސް ރައީސުލްޖުމްހޫރިއްޔާ ވިދާޅުވި އެވެ.
ރައީސް ވިދާޅުވީ، ކޮވިޑް-19 ވެކްސިންގެ ދެ ޑޯޒް ވެސް ރިސޯޓު މުވައްޒަފުންގެ 93 ޕަސެންޓާއި ޝަރުތު ހަމަވާ ރާއްޖޭގެ އާބާދީގެ 79 ޕަސެންޓަށް ދީފައިވާ ކަމަށެވެ.
ރައީސް ވިދާޅުވީ ރާއްޖެއަކީ އިންޑިއަން ސަބްކޮންޓިނެންޓްގެ ކްރޮސްރޯޑްސްގައި، އިރުމައްޗާއި ހުޅަނގުގެ މެދުގައި ސްޓްރެޓީޖިކް ވިޔަފާރީގެ މުޢާމަލާތްތައް ކުރެވޭ ފަދަ ގައުމެއް ކަމަށެވެ. އަދި ރާއްޖޭގެ އިންވެސްޓްމަންޓް މާހައުލު ކުރިއެރުވުމަށް، އަޅުގަނޑުމެންގެ ޖިއޮގްރަފިކް ލޮކޭޝަނަށް ރިއާޔަތްކޮށް، ހަރުދަނާ ފިޔަވަޅުތަކެއް ދިވެހި ސަރުކާރުން އަޅުއްވަމުން ގެންދަވާ ކަމަށް ވިދާޅުވި އެވެ. އަދި، އުމްރާނީ ވަސީލަތްތަކާއި، ދަތުރުފަތުރާއި، ޚިދުމަތްތަކާއި، ހަކަތައިގެ ދާއިރާއިން އައު އިންވެސްޓްމަންޓްތައް ކުރުމަށް މަގުފަހިކުރުމުގެ މަގުސަދުގައި ގެނެވުނު ތަފާތު ޕޮލިސީ އިސްލާހުތަކުގެ ސަބަބުން ރާއްޖޭގެ ގާނޫނީ އަދި ރެގިއުލޭޓަރީ މާހައުލު އެތައް ގުނައެއް ރަނގަޅުވެގެން ގޮސްފައިވާކަން ފާހަގަކުރެއްވި އެވެ.
ރައީސުލްޖުމްހޫރިއްޔާގެ ވާހަކަފުޅުގައި، ރާއްޖެއަކީ ކިތަންމެ ބޮޑު ގައުމަކަށްވީ ނަމަވެސް، މޫސުމަށް އަންނަ ބަދަލުތަކުގެ މައްސަލަ ހައްލުކުރުމަށާއި، އިޔާދަކުރަނިވި ހަކަތަ އިތުރުކުރުމަށާއި، ކާބަން މަދުން ލިބޭ މިންވަރު އިތުރުކުރުމަށް ރާއްޖެއިން އިސްނަގައިގެން މަސައްކަތް ކުރަމުންދާކަން ފާހަގަކުރައްވަމުން، މި ދެ ކަމަކީ ވެސް ދިވެހި ސަރުކާރުން އެންމެ ބޮޑު އިސްކަމެއް ދެއްވާ ދެކަންތައް ކަމަށް ވިދާޅުވި އެވެ. އަދި، 2030 ވަނަ އަހަރު އަންނަންވާއިރަށް ރާއްޖެއިން ޖައްވަށް ބޭރުކުރާ ވިހަ ގޭހުގެ މިންވަރު މަދުކުރުމަށް ކަނޑައަޅާފައިވާ ލަނޑުދަނޑި ހާސިލުކުރުމަށް ރާއްޖެއިން ވަރަށް ބޮޑު އަމާޒެއް ކަނޑައަޅާފައިވާކަން ފާހަގަކުރައްވަމުން، މި އަމާޒަށް ވާސިލުވުމަށް ބައިނަލްއަގުވާމީ މުޖުތަމައުގެ ދީލަތި އެހީތެރިކަމާއި އެއްބާރުލުން ރާއްޖެއަށް ބަރޯސާވާ ކަމަށް ރައީސް ވިދާޅުވި އެވެ.
ރައީސުލްޖުމްހޫރިއްޔާގެ ވާހަކަފުޅު ނިންމަވާލައްވަމުން، ދިވެހިންނަކީ އަބަދުވެސް ދިރިއުޅުމަށްޓަކައި ކަނޑުގެ މައްޗަށް ބަރޯސާވެފައިވާ ބައެއްކަމަށާއި، އެހެންކަމުން ނޫ އިގްތިސާދަކީ، ސަރުކާރުގެ އިގްތިސާދީ ސިޔާސަތުގެ އޮނިގަނޑުގައި ވަރަށް މުހިންމު ދައުރެއް އަދާކުރާ އިގްތިސާދެއްކަން ފާހަގަކުރެއްވި އެވެ. އަދި ކަނޑުގެ ބިޔަ ވަސީލަތްތަކުގެ ބޭނުން ދެމެހެއްޓެނިވި ގޮތެއްގައި ހިފުމަކީ ދިވެހިންނަށް ވަރަށް މުހިންމު ކަމެއް ކަމަށް އެމަނިކުފާނު ވިދާޅުވި އެވެ. އަދި ނޫ އިގުތިސާދު ކުރިއެރުވުމަށް ޓަކައި ބައިނަލްއަގުވާމީ މާހިރުންނާ ގުޅިގެން ދެ ގައުމަށް ވެސް ފައިދާކުރަނިވި މަސައްކަތްތަކެއް ކުރުމުގެ ޖާގަ އެބައޮތްކަން ފާހަގަކުރެއްވި އެވެ.
